Presidenti serb Aleksandar Vuçiq mori pjesë dje në samitin e BE-së për Ballkanin Perëndimor në Kotorr dhe me atë rast disa liderë rajonalë bënë shaka me fjalimet e tij të gjata.
Samiti në Kotorr u hap me panelin “Situata aktuale dhe planet për të ardhmen – një plan i ri i rritjes”, dhe Vuçiqit iu dha fjala nga nikoqiri – Kryeministri i Malit të Zi Milojko Spajiq.
“Tani presidenti Vuçiq do t’ju drejtohet shkurt, ose për një kohë të gjatë”, tha kryetari i Qeverisë malazeze, gjë që shkaktoi të qeshura te të pranishmit.
Kryeministri shqiptar Edi Rama komentoi për këtë: “Tipike. Ai gjithmonë premton të jetë i shkurtër dhe flet më gjatë se kushdo tjetër.
“Faleminderit. Mund ta matësh lehtësisht nëse është i shkurtër apo i gjatë”, u përgjigj Vuçiq dhe më pas shtoi: “Ai (Rama) ma mat vërtet kohën time”.
“Ne nuk jemi në Berlin, për hir të Zotit!”
Nga “thirrjet” e Ramës nuk u kursye as Spajiqi.
“Faleminderit, i dashur Mickey. Herën tjetër, sigurohuni që në Mal të Zi të jetë me diell, jo si tani. Nuk jemi në Berlin, për Zotin”, ka komentuar kryeministri shqiptar.
