Parlamenti i ish-republikës sovjetike të Moldavisë ka votuar që referendumi për anëtarësimin në Bashkimin Evropian do të mbahet më 20 tetor, në të njëjtën kohë me zgjedhjet presidenciale, shkruan Reuters .
Anëtarësimi në BE është gurthemeli i politikave të Presidentes Maja Sandu , e cila veçon Rusinë dhe korrupsionin si dy kërcënimet më të mëdha për sovranitetin e vendit që ndodhet midis Ukrainës dhe Rumanisë. Moldavia pëson goditje për shkak të pushtimit rus të Ukrainës, dhe mbetjet e raketave dhe dronëve bien rregullisht në territorin e saj .
Një vend i ndarë
Data e propozuar e referendumit u mbështet nga 56 nga 101 anëtarë të parlamentit. Përfaqësuesit më pas konfirmuan shpejt të njëjtën datë për zgjedhjet presidenciale ku Sandu do të kërkojë rizgjedhjen.
Partitë opozitare, të prirura drejt marrëdhënieve më të ngushta me Moskën, kundërshtojnë aspiratat e saj për integrim evropian. Njëzet e katër deputetë nuk morën pjesë në votimin e referendumit për anëtarësim në bllokun evropian.
Më parë, Gjykata Kushtetuese e vendit dha dritën jeshile që referendumi dhe zgjedhjet presidenciale të zhvillohen njëkohësisht.
