Katër persona kanë humbur jetën dje në Hjuston, në shtetin amerikan të Teksasit, nga një stuhi e fortë që shkaktoi dëme të mëdha materiale, probleme të shumta në sistemin energjetik dhe thyer pemë, njoftuan autoritetet e qytetit.
“Fatkeqësisht kemi katër të vdekur”, tha kryebashkiaku i Hjustonit, Don Whitmeyer në një intervistë për televizionin lokal Fox 26.
Ai tha se janë shkaktuar dëme të mëdha në objektet afariste në qendër të qytetit, se më shumë se 800 mijë familje kanë mbetur pa energji elektrike, ndërsa stuhinë e ka vlerësuar si “të jashtëzakonshme”.
Shkollat dhe kolegjet në qytetin me rreth 2.4 milionë banorë do të mbyllen sot.
Sipas pamjeve të televizionit lokal, shihet se nën rrëmbimet e forta të erës që kanë arritur shpejtësi deri në 160 kilometra në orë, pemët dhe shtyllat elektrike po bien dhe xhamat e ndërtesave po thyhen.
