Presidenti turk Rexhep Tajip Erdogan akuzoi sot Festivalin e Këngës në Eurovizion se kinse inkurajon “neutralizimin gjinor” dhe rrezikon familjen tradicionale.
Ishte një referencë e qartë për këngëtarin zviceran Nemo, i cili fitoi Festivalin e Këngës në Eurovizion të këtij viti me “The Code”, një ode operatike pop-rap për udhëtimin e tij drejt përqafimit të identitetit të tij jogjinor. Me këtë, Nemo (24) u bë fituesi i parë jo-binar në këtë konkurs, të cilin komuniteti LGBT e ka pranuar prej kohësh si strehën e tij të sigurt.
“Është bërë e pamundur të takosh një person normal në ngjarje të tilla,” tha Erdogan, Partia për Drejtësi dhe Zhvillim në pushtet i të cilit i ka rrënjët në lëvizjen islamike turke dhe qeveria e të cilit është bërë më pak tolerante ndaj të drejtave LGBT vitet e fundit.
Erdogan vlerësoi gjithashtu se rënia serioze e natalitetit në Turqi paraqet një “kërcënim ekzistencial” dhe një “katastrofë” për vendin.
Hulumtimi i fundit statistikor tregon se një grua në Turqi ka mesatarisht 1.5 fëmijë.
Udhëheqësi turk u ka kërkuar familjeve që të kenë të paktën tre fëmijë.
