Kryeministri Albin Kurti ka kujtuar 25-vjetorin e masakrës së civilëve në në Stagovë të Kaçanikut.
Kurti ka thënë se pas sulmeve me granata dhe armë të rënda, forcat serbe kanë vazhduar me vrasje dhe djegie.
“Atë ditë u vranë mizorisht 13 civilë të pafajshëm. E vranë edhe Fitimin, që më 6 qershor do të mbushte 7 vjet, si dhe nënën Hanife, 94 vjeҫare”, ka shkruar ai.
Kurti ka kujtuar të rënët teksa ka thënë se drejtësia për ta është detyrim.
“Drejtësia për të gjithë të vrarët nga Serbia gjatë luftës në Kosovë është detyrim, ndaj kujtimit të tyre, ndaj paqes që e jetojmë dhe brezave që do të vijnë”, ka thënë ai. /Kosovatimes/
