Presidentja e Kosovës, Vjosa Osmani, ka kujtuar masakrën e Stagovës së Kaçanikut, ku 25-vjet më parë forcat paramilitare të Serbisë vranë 13 banorë të këtij fshati.
Osmani, në një postim në Facebook, thotë se në këtë ofensivë barbare, forcat kriminale shkatërruan 90 shtëpi nga 180 sa kishte fshati atëkohë
“25-vjet më parë forcat paramilitare të regjimit gjenocidal të Serbisë, në fshatin Stagovë të Kaçanikut vranë 13 banorë të fshatit. Në këtë ofensivë barbare, forcat kriminale shkatërruan 90 shtëpi nga 180 sa kishte fshati atëkohë. Ende askush nuk është dënuar për këtë krim makabër, ndaj nuk do të ndalemi në angazhimin për vendosjen e drejtësisë dhe për të pasur kuptim liria jonë. Qoftë i përhershëm kujtimi dhe nderimi për të gjithë të rënët për liri!, shkruan Osman Facebook. /Kosovatimes/
