Shumë njerëz përjetojnë ngërçe në këmbë gjatë ditës dhe ky problem është shumë më i pakëndshëm kur shfaqet gjatë natës. Zakonisht zgjat nga disa sekonda deri në disa minuta dhe shoqërohet me një dhimbje të mprehtë, të pakëndshme. Shumë njerëz atëherë panikohen, sepse ndjejnë dhimbje që nuk mund ta parandalojnë, gjë që është veçanërisht e rrezikshme nëse ndodh gjatë kohës që janë në ujë.
Julia Belkina është një neurologe nga një klinikë në Moskë dhe ajo renditi 10 shkaqet e mundshme të këtij problemi. Disa prej tyre lidhen me ndikime të jashtme, ndërsa të tjera janë simptoma të çrregullimeve metabolike apo edhe probleme të rënda shëndetësore.
1. Aktivitet fizik i zgjatur dhe intensiv
Amatorët që sapo kanë filluar të ushtrohen në palestër ose të merren me sport shpesh i përjetojnë këto probleme në fillim. Për të shmangur këtë, ata duhet të konsultohen me një trajner ose instruktor profesionist në lidhje me kohëzgjatjen dhe intensitetin e stërvitjes.
2. Mungesa e mineraleve
Dietat e rrepta dhe kufizuese mund të ndikojnë negativisht në sasinë e kalciumit dhe magnezit në trup , të cilat ndihmojnë muskujt të funksionojnë normalisht.
3. Dehidratim
Dehidratimi është një nga shkaqet më të zakonshme të ngërçeve. Mundohuni të pini mjaftueshëm ujë dhe lëngje pa sheqer për të parandaluar ngërçet e këmbëve gjatë natës.
4. Helmimi
Nëse keni gëlltitur substanca që mund të dëmtojnë sistemin tuaj muskulor ose nervor (përfshirë alkoolin), mund të shfaqen ngërçe në këmbë, sipas Julia.
5. Obeziteti
Pesha e tepërt krijon stres shtesë në muskuj dhe kyçe, të cilat gjithashtu mund të jenë shkaku i spazmave të pavullnetshme të muskujve.
6. Lëndim
Ngërçet mund të ndodhin nëse jeni duke u rikuperuar nga një dëmtim, kur hiqni gipsin ose pas një periudhe të gjatë pushimi.
7. Shtatzënia
Nëse ju mungojnë mineralet gjatë shtatzënisë, është e mundur që të shfaqen ngërçe në këmbë, veçanërisht gjatë natës.
8. Sëmundje të tjera
Nëse ngërçet shfaqen shpesh, Julia ju këshillon të konsultoheni me një mjek dhe të kontrolloni nëse gjendja është më serioze.
