Asi gjerman i Real Madridit, Toni Kroos, ka konfirmuar se do të pensionohet nga futbolli pas Evropianit ‘Gjermania 2024’.
Mesfushori i madrilenëve përmes rrjeteve sociale, ka konfirmuar tërheqjen nga loja aktive e futbollit.
Finalja e Ligës së Kampionëve mes Real Madridit dhe Borussia Dortmundit, ndeshje kjo që do të luhet më 1 qershor, do të jetë e fundit për Kroos në fanellën e gjigantit spanjoll.
Kroos, i cili me Real Madridin ka fituar gjithë trofetë e mundshëm në futboll, nuk është vetëm një nga mesfushorët më të mirë në historinë e klubit spanjoll, por edhe një nga më të mirët në historinë e këtij sporti.
