Ministri i Mbrojtjes, Ejup Maqedonci, ka njoftuar se është takuar me komandantin e KFOR-it, gjeneralmajor Ozkan Ulutas. Ministri Maqedonci ka bërë me dije se Ulutasin e ka njoftuar për fazën e tranzicionit të FSK-së.
Ai e ka falënderuar atë për bashkëpunimin me FSK-në.
“Gjatë bisedës me komandantin shpreha mirënjohje për trupat e KFOR-it dhe vlerësimin për nivelin e lartë të bashkëpunimit të deritanishëm me Forcën e Sigurisë së Kosovës, në funksion të sigurisë së vendit”, ka shkruar Maqedonci në profilin e vet në “Facebook”.
Ai ka thënë se gjeneralmajor Ulutaş shprehu kënaqësinë e tij për të arriturat e deritashme të Ministrisë së Mbrojtjes dhe për gatishmërinë për vazhdimin e bashkëpunimit të ndërsjellë për çështjet me interes të përbashkët në kuadër të zhvillimeve aktuale dhe ndikimit të tyre në mjedisin e sigurisë. /Kosovatimes/
