Nga ora 20:00 në Teatrin Kamertal të Kolegjit AAB do luhet shfaqja “Embers” nga Kroacia, ndërsa sot është mbajtur konferenca për media.
Në konferencë morën pjesë trupat teatrale të kësaj shfaqje e përbërë nga aktorët: Sinisa Popovic, Goran Grgic, Iva Mihalic dhe producenten Lidija Ivanda, të cilët u shprehën entuziastë për rolet e tyre dhe shfaqjen në përgjithësi.
Ata thanë se janë të lumtur që këtë vit do jenë pjesë e PITF 2024, ndërsa në rolin e shfaqjeve garuese folën edhe për shfaqje tjera, duke shtuar se i kanë ndjekur të gjitha dhe janë të impresionuar nga to.
Kurse sa i përket çmimit, ata u shprehën se çmimi më i rëndësishëm për ta është që publiku ta përjetoj shfaqjen dhe të mbetet i kënaqur nga performanca e aktorëve. /Kosovatimes/
