Në Gjykatën Themelore në Ferizaj, në procesin e rigjykimit, të akuzuarit Dardan Krivaqa e Arbër Sejdiu janë deklaruar të pafajshëm për vrasjen e Marigona Osmanit. Krivaqa ishte dënuar me burgim të përjetshëm e Sejdiu me 15 vjet heqje lirie. Rasti ndaj tyre është kthyer në rigjykim nga Gjykata e Apelit.
Dardan Krivaqa dhe Arbër Sejdiu gjatë seancën së rigjykimit, deklaruan se nuk ndihen fajtor ndaj veprave të për të cilat akuzohen nga Prokuroria. Ata ngarkohen për veprat penale dhunim dhe vrasjen e Marigona Osmanit.
“Për shkak se Dardan Krivaqa në kohën e kryerjes së veprimeve të tij që kanë quar në vdekjen e të ndjerës ka qenë nën ndikimin e substancave narkotike në tërësi nuk ju është bërë asnjë test apo analizë e toksikologjisë as të ndjerës as Dardanit që është obligim ligjor. Nuk është bërë asnjë test i ADN-së . Janë bërë disa analiza sipërfaqësore, disa ekspertiza që nuk i plotësojë kushtet ligjore”, tha Skënder Musa, avokat i Dardan Krivaqës.
“Pas trajtimit në mesë tjerash edhe vërejtjet e dhëna nga Gjykata e Apelit në fund do të bindim trupin Gjykues së Arbër Sejdiu nuk është përgjegjës për veprën penale që po e akuzon Prokuroria Themelore e Ferizajt”, tha Arbnora Shefkiu, avokate e Arbër Sejdiut.
Prokuroria tha se mbetet në deklarimet e thëna më parë, kurse avokati i familjes së viktimës tha se nuk ka pasur nevojë të rigjykim pasi që të gjitha që janë kërkuar janë thënë në procesin e parë gjyqësor.
“Ka qenë totalisht jo i nevojshëm rikthimi dhe vendimi i Gjykatës së Apelit është shumë konfuz për mendimin tim për shkak se nuk është e mundur që të caktohet një ekspert për matjen e mizorisë ajo është e drejtë komplet e Gjykatës e shkallës së parë dhe nuk e matë atë eksperti”, tha Gazmend Rexhepi, avokat i familjes së Marigona Osmanit.
Seanca tjetër është paraparë të mbahet më 11 qershor me administrimin e provave dhe të dëgjimin e ekspertëve e nga mjekësia ligjore. Rasti është kthyer në rigjykim nga ana a Gjykatës së Apelit.
Krivaqa ishte dënuar me burgim të përjetshëm e Sejdiu me 15 vjet burg.
