Numri i personave të vrarë nga sulmi ajror rus në një supermarket në Kharkiv është rritur në gjashtë, ndërsa numri i të plagosurve në 40, ndërsa 16 rezultojnë të zhdukur, njoftoi kryetari i bashkisë së atij qyteti, Ihor Terekhov në kanalin e tij Telegram.
Në sulmin e dytë në një zonë të populluar në Kharkiv, numri i të plagosurve u rrit në 18, raporton Pravda.
Presidenti i Ukrainës, Volodymyr Zelensky, u bëri thirrje liderëve botërorë që t’i sigurojnë vendit të tij mbrojtje më të madhe kundër sulmeve ajrore.
Më 10 maj, Rusia nisi një ofensivë të re në rajonin e Kharkiv me rreth 30,000 ushtarë dhe Zelensky deklaroi se ata u ndaluan pas një avancimi prej 10 kilometrash, pranë vijës së parë të mbrojtjes.
