Gjatë fluturimit Doha-Dublin, 12 persona kanë pësuar lëndime. Kjo pas turbulencave të forta të cilat goditën aeroplanin Boeing.
Fluturimi i Qatar Airways QR017 u prit nga shërbimet e urgjencës, përfshirë policinë e aeroportit, ambulancën dhe njësitë e zjarrfikësve, pas uljes pak para orës 13:00 me orën lokale.
Si pasojë e turbulencave lëndime u raportuan nga gjashtë pasagjerë dhe gjashtë anëtarë të ekuipazhit. Ekipi i aeroportit të Dublinit vazhdon të ofrojë ndihmë të plotë në terren për pasagjerët dhe stafin e linjës ajrore, tha një zëdhënës i Aeroportit të Dublinit.
Shërbimi Kombëtar i Ambulancës tha se mori një paralajmërim paraprak për të ndjekur aeroportin dhe “aktualisht është në vend duke lehtësuar dhe mbështetur zbarkimin e pasagjerëve. Incidenti i sotëm vjen një javë pas vdekjes së një shtetasi britanik pikërisht nga turbulencat ajrore.
