Presidentja e Kosovës, Vjosa Osmani, ka kujtuar përvjetorin e masakrës në lagjen Tusuz të Prizrenit, teksa ka theksuar se angazhohen për vendosjen e drejtësisë për të rënët në këtë masakër.
Në komunikatën e presidencës, thuhet se 25-vjet më parë, forcat e regjimit gjenocidal të Serbisë, në prag të lirisë, vranë mizorisht 27 banorë të lagjes Tusuz (Lagjja e Trimave) në Prizren.
“Kjo lagje shquhet për kontributin e dhënë dhe sakrificën për lirinë e Kosovës, ndaj vendosja e drejtësisë për viktimat është përkushtim i çdoditshëm i yni. Qoftë i përhershëm kujtimi për martirët dhe të gjithë të rënët për liri”, thuhet në njoftimin e presidencës. /Kosovatimes/
