Kryeministri i Kosovës, Albin Kurti, ka kujtuar në përvjetorin e vdekjes së saj, Nënën Pashkë.
Ai tha se në Mejë pushon guri i saj, peshon rëndë sa dhembja e Nënës Pashkë.
“Në Mejë pushon guri i Nënës Pashke. Peshon rëndë. Sa dhembja e Nënës”, ka shkruar Kurti në Facebook.
“Bijtë e saj, Gjovalin dhe Milan Markaj, bashkë më 374 civilë shqiptarë të paarmatosur dhe të pafajshëm u rrëmbyen, u vranë dhe u zhdukën nga forcat e armatosura të Serbisë më 27 prill 1999, në masakrën e Mejës dhe Korenicës. Deri në vitin 2003 ishin të zhdukur. Ata u gjetën në varrezën masive në Batajnicë të Serbisë”.
“Më 24 maj 2003 u rivarrosen Gjovalini dhe Milani. Tri ditë më pas, pasi e kreu të pamen, nëna Pashke i vuri vetës flakën. Pasi flakët e luftës ia dogjën shpirtin, ajo i vuri flakën trupit. E kujtojmë sot e çdo ditë. Përditë e përjetë. Lavdi!”. /Kosovatimes/
