Është konfirmuar rimeçi dhe është zbuluar data e ‘luftës’ ndërmjet boksierëve të peshave të rënda, Tyson Fury dhe Oleksandr Usyk.
Më 18 maj, Usyk i shkaktoi humbjen e parë Furyt në karrierë, duke prodhuar një shfaqje të jashtëzakonshme për t’u bërë kampion i padiskutueshëm botëror në peshat e rënda. Një klauzolë e revanshit automatik ishte përfshirë në kontratë, me ndeshjen e dytë të planifikuar fillimisht për në tetor.
Por, Turki Alalshikh ka konfirmuar një datë të re për luftën mes Furyt dhe Usykut. Dyshja do të ndeshet sërish më 21 dhjetor në Riad të Arabisë Saudite.
“Ndeshja e kthimit midis kampionit të padiskutueshëm Oleksandr Usyk dhe kampionit Tyson Fury është planifikuar tani më 21 dhjetor 2024 gjatë Riyadh Season. Bota do të shikojë përsëri një tjetër luftë historike. Angazhimi ynë për adhuruesit e boksit vazhdon. Shpresojmë t’ju pëlqejë”, ka shkruar Alalshikh në platformën X.
