Shtëpi të bardha me kupola blu, pamje të pabesueshme të horizonteve të detit, plazhe të bukura me rërë, perëndim të diellit spektakolar…
Kështu të paktën në foto duket ishulli më romantik, por edhe më i shtrenjtë në Greqi – Santorini. Është ëndërr e shumë njerëzve të vizitojnë këtë destinacion të famshëm, shkruan Index.hr.
Gjithsesi, TikToker-i gjithnjë në udhëtim Tera Scott tregoi se si është në të vërtetë në këtë ishull dhe tha: “Kalo Santorinin!”
Në videon që ajo ka postuar shihen një mori njerëzish që nuk mund t’i kalosh, e përveç kësaj ajo ka filmuar edhe jashtëqitjet e gomarit në rrugë. Edhe kështu, të gjithë vazhdojnë të luftojnë se kush do të fotografojë i pari pranë kupolave blu, prej të cilave nuk ka shumë.
“Nuk i ngjan fare fotove”, “Më bukur është në nëntor, nuk ka njerëz”, “Imagjinoni si është për njerëzit që jetojnë atje”, “Unë isha atje verën e kaluar, kjo video është 100 për qind. saktë”, “Duhet të ngrihesh në pesë të mëngjesit. Vetëm kështu mund ta shijoni”, janë vetëm disa nga komentet.
