Kryetari i Komunës së Prishtinës, Përparim Rama, ka bërë të ditur se më 3 qershor, do të mbahet gala koncert për të festuar 25 vjetorin e çlirimit të Prishtinës.
Në një postim në Facebook, Rama ka njoftuar se koncerti mbahet në sheshin “Skënderbeu” në kryeqytet, ndërsa në të do të performojnë Petrit Çarkaxhiu, Vesa Luma, Vullnet Sefaja dhe Yll Limani.
“Kanga jonë, Për ty Prishtinë” – Gala Koncert me 3 Qershor në sheshin “Skënderbeu” në Kryeqytet. Festojmë të gjithë së bashku 25 vjetorin e Çlirimit të Prishtinës, me performanca të artistëve tonë fantastikë, të cilët ndër vite e kanë pasuruar skenën muzikore”, ka shkruar Rama.
Ministria e Kulturës një ditë më parë ka publikuar logon dhe ka shpalosur agjendën shtetërore për shënimin e 25-vjetorit të Çlirimit të Kosovës.
Aktivitetet për shënimin e 25-vjetorit të Çlirimit të Kosovës nisin nga data 8 deri më 21 qershor. /Kosovatimes/