Interi dhe Nicolo Barella raportohet se tashmë kanë arritur marrëveshje për rinovimin e kontratës së re.
Italian ka bërë një sezon të madh me skuadrën ‘Nerazure’, duke dhënë kontribut të madh në garën për titull të kampionit në Serie A.
Eksperti i transferimeve Fabrizio Romano, ka shkruar se Barella do të firmos kontratën e re me Interin të vlefshme deri në vitin 2029.
“Marrëveshje Inter-Barella. Lojtari do të rinovojë kontratën deri në vitin 2029 me rritje rrogë”, ka shkruar Romano.
Ndërkohë, kampionët e Italisë janë duke negociuar edhe më disa lojtarë për vazhdimin e kontratave përfshirë edhe yllin e tyre Lautaro Martinez.
