Të martën në Paris, trupi i milionerit Hubert Ziesenis, një biznesmen me ndikim, u gjet në banesën e tij në Bulevardin Haussmann. Gruaja e tij, Aude de Thuin, ishte shtrirë pranë tij, e plagosur rëndë.
Pas mbërritjes së ambulancës, Aude de Thuin u transportua në spital ku mori ndihmën mjekësore.
Në pamje të parë, gjithçka tregonte për një tentativë të dyfishtë të dështuar vetëvrasjeje. Dyshohet se gruaja ka vrarë bashkëshortin e saj para se të tentonte t’i merrte jetën.
Bashkë me viktimat është gjetur një mesazh në të cilin bashkëshortët kërkonin nga shërbimet që të mos përpiqeshin t’i shpëtonin sepse vendimi i tyre ishte i vetëdijshëm. Hetimi duhet të konfirmojë shkakun e vdekjes dhe seriozitetin e plagëve, shkruan Le Parisien.
Zyra e Prokurorit të Parisit e shpalli Aude de Thuin aktualisht të paaftë për të dëshmuar. Avokati i shtetit konfirmoi se hetimi është nën juridiksionin e policisë gjyqësore dhe se qëllimi i hetimit është “të përcaktojë nëse shkaku i vdekjes dhe plagosjeve janë vepra penale”./kosovatimes
