Ushtruesi i Detyrës së Kryeprokurorit të Shtetit, z. Besim Kelmendi së bashku me Kryeprokurorin e Prokurorisë Speciale të Republikës së Kosovës (PSRK), z. Blerim Isufaj, dhe prokuroren e PSRK-së, znj. Ilirjana Çollaku – Tafa, gjatë Forumit Konsultativ të kryeprokurorëve të përgjithshëm dhe kryeprokurorëve specialë të Ballkanit Perëndimor që është mbajtur në Budva të Malit të Zi, kanë zhvilluar takime me Prokurorin e Përgjithshëm të Shqipërisë, z. Olsian Çela, Kreun e SPAK-ut, z. Altin Dumani, dhe Kryeprokurorin Suprem të Shtetit të Malit të Zi, z. Milorad Markovic.
Gjatë takimit me homologët e shtetit shqiptar – Prokurorin e Përgjithshëm, z. Çela dhe Kreun e SPAK-ut, z. Dumani, U.D. Kryeprokurori i Shtetit dhe Kryeprokurori i Prokurorisë Speciale i Republikës së Kosovës, patën diskutime të frytshme për tema të punës së përbashkët, përkatësisht ngritjen e nivelit të bashkëpunimit, koordinimit dhe efikasitetit në luftën kundër krimit dhe forcimin e sundimit të ligjit në të dyja shtetet. /Kosovatimes/
Po ashtu, U.D. Kryeprokurori Kelmendi dhe Kryeprokurori Isufaj, janë takuar edhe me Kryeprokurorin Suprem të Shtetit të Malit të Zi, z. Milorad Markovic, me të cilin kanë diskutuar për avancimin e mëtejshëm të bashkëpunimit përmes nënshkrimit të memorandumeve si dhe për formimin e ekipeve të përbashkëta të hetimit me qëllim të luftimit të të gjitha formave të krimit. /Kosovatimes/
