Kryetari i Prishtinës, Përparim Rama, në konferencën për media bashkë me ish-kryeministrin britanik, Tony Blair, ka thënë se e ka falënderuar atë për gjithëçka që ai ka bërë për popullin kosovar.
Rama ka theksuar se ndihet jashtëzakonisht mirë për mundësinë që ta nderojnë me çmimin “Qytetar Nderi” i Prishtinës.
“E dini të gjithë Tony Blair çka ka dhënë për vendit tonë me punën e tij të madhe jo vetëm që ka bind popullin britanik se intervenimi në Kosovë është shumë i nevojshëm dhe i drejt por e ka bind edhe Amerikën edhe botën dhe i falënderohemi nga zemra që sot është këtu dhe mundemi personalisht ta nderojmë me nderin e madh si qytetar i nderit i qytetit”, ka thënë ai.
Ndërsa, Tony Blair ka theksuar se do t’i ndihmoj Kosovës në çfarëdo mënyre që do të mundet.
“Jam shumë i nderuar me qenë prishtinali ky është një simbol shumë i rëndësishëm për mua, ju jeni një shembull i shkëlqyeshëm. Dikush që ka qenë jashtë tash është kthyer dhe ka marr një rol publikë. Prishtina është një qytet i gjallerishëm një qytet ku e ndjen që rinia e qytetit është një mënyrë shpirti i këtij qyteti dhe është një qytet ka edhe shumë mundësi të jashtëzakonshme tash keni disa cilësi të rëndësishme këtu keni inovacionin e teknologjisë një prej gjerave me të rëndësishme që mundet me pas një shtet sot. Mendoj që është shumë me rëndësi ata prej nesh qe ishim krah Kosovës me krenari në ato ditë të errëta është me rëndësi që qëndrojmë sot me ju”, ka thënë ai.
Blair ka premtuar vazhdimin e ndihmës për Kosovën me institutin e tij.
Kuvendi i Prishtinës e shpall “Qytetar Nderi”, Tony Blair
Kuvendi Komunës së Prishtinës e ka shpall “Qytetar Nderi” ish-kryeministrin e Mbretërisë së Bashkuar, Tony Blair.
Kryetari i Prishtinës, Përparim Rama, ka thënë së Kosova do ta kujtojë përgjithmonë, ndihmën e ish-kryeminsitrit Blair, e përveç kësaj edhe do ta nderojë çdo herë.
“Dua të ndaj një pjesë të shkurtë të historisë sime kur kam jetuar në Britani në vitet e 90-ta, ishte një mënyrë absurde të besoje që vendi ynë ku kam lind ka shanse të çlirohet, nuk kam guxuar as të besoj atëherë, as të filloj të besoj kur kam dal prej shtëpisë këtu. Kam prit që kur nuk do të kthehem në shtëpinë time sepse ashtu kanë qenë rrethanat, kanë qenë kundër neve, por me iniciativën tuaj Tony Blair e kam fituar besimin me këtë arsye jo vetëm unë por të gjithë shqiptarët e Britanisë mburren me ju edhe sot me gjithë zemër dhe ne për Britaninë siç keni dhënë ju për Kosovën. Pra kjo është një vepër e juaja një pik e madhe qe i ka prek e i ka shpëtu, i ka transmetu shumë jeta të qytetareve të Kosovës”, ka theksuar Rama.
Ai ka theksuar se Tony Blair, është hero e mik i Kosoves. Sipas tij, Kosova do ta kujtoj dhe do ta nderoj përgjithmonë.
Kryetar i kuvendit të Komunës, Fehmi Kupina, në emër të të gjithë asamblistëve, i shprehur falënderimet për ndihmën dhe kontributin që Blair ka dhënë për lirinë dhe pavarësinë e Kosovës.
“Sot para nesh është një figurë kryesore që në momentet me të vështira ishte faktori kryesore. I nderuar nuk ka fjalë e shkronjë që mund të përshkruaj falënderimin tonë për lirin dhe zhvillimin e vendit tonë. Ne emrin tim personal dhe Kuvendit komunal iu shpreh mirënjohje e falënderime për kontribut tuaj”, ka theksuar ai.
Tony Blair, nderohet me çmimin “Çelësi i qytetit”
Ish-kryeministri britanik, Tony Blair, është pritur në takim nga kryetari i Prishtinës, Përparim Rama, të cilit iu nda “Çelësi i qytetit”.
Blair më herët është takuar me presidenten, Vjosa Osmani dhe me kryeministrin, Albin Kurti, teksa ka mbajtur edhe një fjalim në Kuvend për nder të 25-vjetorit të çlirimit të Kosovës.
