Nëse një çift nuk mund të ketë fëmijë, “fajtorja kryesore” ka qenë gruaja prej dekadash, d.m.th janë vënë në shënjestër si fajtore kryesore dhe më së shpeshti janë të vetmet që shkojnë për kontrolle shëndetësore.
Mirëpo, kohët e fundit po flitet gjithnjë e më shumë për infertilitetin mashkullor, i cili sipas ekspertëve është në rritje dhe vazhdimisht shfaqen shkaqe të reja potenciale që ndikojnë në shëndetin riprodhues të mashkullit.
Ekspertët thonë se infertiliteti mashkullor varion nga 20 deri në 50 për qind dhe statistikat tregojnë se numri dhe lëvizshmëria e spermatozoideve janë përgjysmuar në 30 vitet e fundit.
Mjekët thonë se ndër të tjera, pandemia e koronavirusit ka lënë gjurmë në shëndetin riprodhues të meshkujve.
