Pas faljes së namazit të Bajramit, shumë familje vizituan varrezat lokale, ku prehen më të dashurit e tyre. Në varrezat në Deir al-Balah, mund të shiheshin familje të tëra, fëmijë, si dhe palestinezë të shumtë të plagosur që vinin me karroca.
Festën e Kurban Bajramit besimtarët myslimanë në mbarë botën e kanë pritur me gëzim mëngjesin e sotëm . Bajrami u mirëprit edhe nga palestinezët në Gaza, por atmosfera në Gaza nuk është aspak festive dhe e gëzueshme duke pasur parasysh luftën që Izraeli po bën në Rripin.
Sot në mëngjes, palestinezët falnin namazin e Bajramit në rrënojat e ish-shtëpive dhe xhamive të tyre , të shkatërruara plotësisht nga sulmet izraelite, të cilat kanë vazhduar që nga 7 tetori i vitit të kaluar.
Ndryshe, aktualisht është duke u bërë një armëpushim me qëllim të shpërndarjes së ndihmave humanitare me rastin e Bajramit në të gjitha pjesët e Gazës, përveç në jug. Pushimi filloi të shtunën dhe duhet të mbahet çdo ditë nga ora 8:00 deri në orën 19:00. me orën lokale deri në një njoftim tjetër.
Pas faljes së namazit të Bajramit, shumë familje vizituan varrezat lokale, ku prehen më të dashurit e tyre. Në varrezat në Deir al-Balah, mund të shiheshin familje të tëra, fëmijë, si dhe palestinezë të shumtë të plagosur që vinin me karroca.
Të paktën 37,296 palestinezë janë vrarë në ofensivën izraelite në Rripin e Gazës që nga 7 tetori i vitit të kaluar, tha të shtunën Ministria e Shëndetësisë në enklavën e rrethuar. Gjatë të dielës dhe sot, luftimet mund të shihen në Rafah, ku Izraeli po përpiqet të shkatërrojë Hamasin dhe ku ata kanë thënë se nuk do të ketë armëpushim derisa të arrijnë qëllimin e tyre.
