Policia e Kosovës ka njoftuar se ka arrestuar një person të dyshuar për vrasje të rëndë në tentativë, ngjarje kjo që ka ndodhur më 13 qershor në Bregun e Diellit në kryeqytet.
“Pas një pune intenzive hetimore, Njësiti i Hetimeve të Përgjithshme në Prishtinë, ka arritë që të arrestoj personin e dyshuar lidhur me rastin Vrasje e rëndë në tentativë. Rasti ka ndodhë me datën 13.06.2024 në lagjen Bregu i Diellit në Prishtinë”, thuhet në njoftimin e policisë.
Tutje, bëhet e ditur se i arrestuari është H.V. mashkull 23 vjeç.
Nga hetimi që është kryer në banesën e të dyshuatit, janë gjetë dhe sekuestruar një armë e gjatë AK-47, një revole, një granatë dore dhe një thikë.
“Pas intervistimit, personi i dyshuar me vendim të prokurorit të shtetit është dërguar në mbajtje”, thuhet në njoftim. /Kosovatimes/
