Takimi i dakorduar mes Spajiqit dhe presidentit të Bullgarisë në ndërtesën e Qeverisë së Malit të Zi është vonuar, prandaj delegacioni i udhëhequr nga Radev është larguar nga ndërtesa pas katër minutash pritje, konfirmon Qeveria për” Vijesti” nga Mali i Zi.
Takimi i kryeministrit të Malit të Zi Milojko Spajiq me presidentin e Bullgarisë Rumen Radev, i cili ishte dashur të mbahej sot në Podgoricë, është anuluar për shkak të vonesës së kryeministrit të vendit pritës.
“Me ambasadën bullgare është marrë vesh që takimi të bëhet në sallën e pritjes në ndërtesën e qeverisë në orën 17:00, pasi kryeministri Milojko Spajiq ka pasur shumë dëshirë të takohet me presidentin Radev, pavarësisht orarit të ngjeshur. Takimi me kompaninë më të madhe turistike, me TUI-në gjermane, ka zgjatur tre minuta më shumë se sa ishte planifikuar dhe delegacioni i presidentit të Bullgarisë, Rumen Radev, pas katër minutash pritje është larguar nga ndërtesa e Qeverisë”, thanë “Vijesti” nga Qeveria. .
Nga Qeveria sqaruan se takimi do të mbahej në të njëjtën sallë pritjeje ku u zhvillua takimi me përfaqësuesit e TUI-së dhe se arsyeja e vonesës së saj ishte se duhej përgatitur hapësira për një takim të ri.
