Nëntë persona kanë mbetur të lënduar si pasojë e një aksidenti të ndodhur të mërkurën në rrugën rajonale Mitrovicë-Podujevë. Policia ka njoftuar se aksidenti ka ndodhur në fshatin Stantërg rreth orës 14:00.
Në aksident janë përfshirë dy vetura, ndërsa personat e përfshirë nuk dihet nëse kanë pësuar lëndime të rënda.
Lajmin e ka konfirmuar për RTKlive zëdhënësi i Policisë për rajonin e Mitrovicës, Avni Zahiti.
“Aksident trafiku me lëndime, i shkaktuar sot rreth orës 14:00 në rrugën rajonale Mitrovicë- Podujevë, përkatësisht në fshatin Stantërg, në aksident janë përfshirë dy vetura civile, ku përveç dëmeve materiale lëndime ka pësuar nëntë (9) persona”, ka thënë Zahiti.
