Ministri për Evropën dhe Punët e Jashtme i Austrisë, Aleksandar Schallenberg, tha sot në Vjenë se nuk ka rrugë të shkurtra në dialogun Beograd-Prishtinë dhe se është e rëndësishme që të mos arrihet pika e pakthimit.
“Nuk ka rrugë të shkurtra, Evropa është shumë aktive në këtë çështje dhe për fat të mirë nuk kemi arritur në pikën pa kthim”. Ka pasur përparim, por së fundmi ka sërish një situatë shqetësuese në veri”, tha ai në margjinat e Forumit të 13-të të Strategjisë së Danubit të BE-së (EUSDR), i cili po mbahet në Austri.
Ai shtoi se Vjena dhe Beogradi bashkëpunojnë ngushtë dhe se Austria është një nga investitorët më të mëdhenj në Serbi.
“Ne jemi partnerë të ngushtë, ne punojmë së bashku edhe në çështjen e migrimit dhe presim që Beogradi të vazhdojë në këtë rrugë, për shembull kur është fjala për harmonizimin e liberalizimit të vizave,” tha ai.
