Kapiteni i Anglisë, Harry Kane, ka shprehur shqetësimin e tij për performancën e ekipit kombëtar në ndeshjet e fundit në Euro 2024. Duke folur për BBC One pas ndeshjes kundër Danimarkës, Kane tha se skuadra po lufton për të gjetur ritmin e duhur, si në sulm ashtu edhe në mbrojtje.
“Mendoj se ne po luftojmë me dhe pa top. Presioni në të dyja ndeshjet nuk ka qenë i duhuri dhe loja me topin nuk ka qenë e mirë. Të gjithë lojtarët po bien paksa poshtë niveleve të tyre. Edhe sot ishte e vështirë, por ne jemi të qetë”, tha Kane.
Duke folur për momentet e vështira pas golit të epërsisë, Kane theksoi nevojën për përmirësim: “Mendoj se është diçka në të cilën duhet të përmirësohemi. Po i fillojmë ndeshjet mirë, por kur kundërshtarët po vijnë drejt nesh, nuk po jemi të sigurt se si t’i përgjigjemi presionit”, shtoi ai.
