Trajneri, Didier Deschamps, ka thënë se kapiteni i Francës, Kylian Mbappe, duhet të jetë i gatshëm për ndeshjen e dytë të fazës së grupeve të Kampionatit Evropian kundër Holandës, pasi theu hundën në fitoren 1:0 ndaj Austrisë.
Sulmuesi francezë, i cili u lëndua në një përplasje me Kevin Danson e Austrisë, ka kërkuar ndihmë për të gjetur një maskë mbrojtëse në mënyrë që të mund të paraqitet kundër holandezëve, në kuadër të Grupit D, në ndeshjen e cila fillon në orën 21:00.
Mbappe provoi maskën. Kurse, Deschamps ka thënë se gjithçka po shkon në drejtimin e duhur.
“Kylian Mbappe do të mbajë një maskë, por nuk keni nevojë të dini detajet rreth kësaj maske”, është shprehur Deschamps.
