Ka vdekur producenti dhe autori kosovar Fisnik Vejsa. Për vdekjen e tij kanë njoftuar persona të afërt me familjen e tij.
Vejsa ka qenë autor i emisionit “Fauna Jonë” dhe producent i disa prodhimeve mediatike të njohura në vend, si seriali “O sa mirë.
Emision “Fauna Jonë” ka qenë ndër të parët për botën shtazore në televizionet kosovare meqë Vejsa kishte studiuar veterinarinë dhe ishte i pasionuar pas botës shtazore.
Veprimtarinë e tij e ka vazhduar si producent i serialeve të njohura televizive.
Asociacioni i Gazetarëve të Kosovës, me dhimbje të madhe ka pranuar lajmin për vdekjen e gazetarit Fisnik Vejsa.
Asociacioni i Gazetarëve të Kosovës u shpreh ngushëllime familjarëve, miqve dhe kolegëve të gazetarit Vejsa. /Kosovatimes/
