Një grua 50-vjeçare është rrahur brutalisht nga bashkëshorti i saj në lagjen Medakoviq 3 në Vozhdovac në Beograd dhe kur ajo ka ndërruar jetë nga plagët e marra, ai ka thirrur shërbimet e urgjencës dhe policinë.
Krimi ka ndodhur në rrugën Borivoja Stevanovića në lagjen Medakoviq 3 në Beograd, në komunën e Vozhdovacit. Si pasojë e plagëve të marra ka humbur jetën një 50-vjeçare.Ai ka lajmëruar urgjencën dhe policinë dhe ka denoncuar rastin duke raportuar se gruaja e tij ka ndërruar jetë.
Me të mbërritur në vendngjarje shërbimet kompetente kanë parë se bëhet fjalë për vdekje të dhunshme, ndaj është thirrur edhe Prokurori i Lartë.
Burri u ndalua për shkak të dyshimit të arsyeshëm se ai e kishte kryer krimin.
Hetimet kanë zgjatur disa orë dhe trupi i pajetë i gruas fatkeqe është dërguar në Institutin e Mjekësisë Ligjore për të përcaktuar shkakun e saktë të vdekjes.
Qytetarët kanë parë një numër të madh të automjeteve të policisë, si dhe një veturë të Mjekësisë Ligjore dhe hetimet kanë zgjatur disa orë.
