Zgjerimi i Bashkimit Evropian për të përfshirë vendet e Ballkanit Perëndimor duhet të jetë prioritet për përfaqësuesit e bllokut të cilët do të vijnë nëpër pozita nga negociatat pas zgjedhjeve të fundit të Parlamentit Evropian.
Kështu janë pajtuar ministrat e jashtëm të Republikës Çeke, Austrisë, Italisë dhe vendeve tjera, gjatë takimit dyditësh të vendeve anëtare të Bashkimit Evropian me “Grupin Miqtë e Ballkanit Perëndimor” që u mbajt në Vjenë.
“Është në interesin tonë të zgjerojmë Evropën dhe gjithashtu që vendet si Bosnja dhe Hercegovina, Kosova, Serbia dhe Shqipëria të afrohen me standardet evropiane, të ndajnë politikën tonë të jashtme dhe të reformojnë veten e tyre. Kjo është e rëndësishme për ne sepse vetë zgjerimi sjell më shumë siguri dhe prosperitet është një nga mjetet tona më të fuqishme që kemi si Evropë”, ka theksuar ministri i jashtëm çek, Jan Lipavsky.
Mbështetje për anëtarësim të shteteve ballkanike në BE ka dhënë edhe shefi i diplomacisë evropiane, Josep Borrell, por edhe përfaqësues të shteteve tjera pjesëmarrëse në forum.
Borrell, ka theksuar se Evropa nuk është e plotë derisa Ballkani Perëndimor të bëhet pjesë e saj dhe se është e nevojshme të përshpejtohet procesi i zgjerimit, i cili është vonuar për një kohë të gjatë.
