Sulmuesi i Kombëtares së Francës, Antoine Griezmann, pas barazimit me Holandën (0:0) në xhiron e dytë të fazës së grupeve në Euro 2024, tha se është pak frustruese që lojtarët francezë nuk kanë shënuar ende asnjë gol në këtë turne.
Në xhiron e parë, Franca e mposhti Austrinë me rezultat 1:0, por goli i vetëm u shënua si rezultat i autogolit nga austriakët.
“Është pak frustruese, por është në rregull. Kjo është ajo që duhet të përmirësojmë, të jemi më vdekjeprurës për kundërshtarin në sulm, të përpiqemi të shënojmë. Por kjo ndodh në sulm: ndonjëherë golat vijnë, ndonjëherë jo. Më është dashur të kthehem prapa për të krijuar raste. Kam pasur raste për të shënim dhe do të kem edhe më shumë në të ardhmen. Në portën tonë, nuk i lejojmë pothuajse asgjë kundërshtarit”, ka thënë Griezmann.
