Përfaqësuesi i Lartë i Bashkimit Evropian (BE) për politikë të jashtme dhe siguri, Josep Borej, nesër në Luksemburg do të kryesojë mbledhjen e Këshillit të Ministrave të Jashtëm të BE-së, në axhendën e të cilit ndër të tjera do të jetë edhe Ballkani Perëndimor.
Ministrat e Jashtëm të BE-së do të diskutojnë mbi agresionin rus kundër Ukrainës, me një shkëmbim jozyrtar pikëpamjesh me shefin e diplomacisë së Ukrainës, Dmytro Kuleb, i cili do të marrë pjesë përmes video-lidhjes.
Këshilli do të diskutojë gjithashtu situatën në Lindjen e Mesme, si dhe në Ballkanin Perëndimor.
Në takim është planifikuar që të marrin pjesë edhe ministrat e Punëve të Jashtme të Shqipërisë, Bosnjë-Hercegovinës, Maqedonisë së Veriut, Serbisë dhe Kosovës.
Gjeorgjia, domethënë rajoni i Liqeneve të Mëdha në dritën e strategjisë së BE-së të miratuar në vitin 2023, do të jetë gjithashtu në axhendë.
