Ishulli italian Capri ka hequr ndalimin e tij për turistët pasi u zgjidhën problemet me furnizimin me ujë në destinacionin e njohur turistik.
Ndalimi u njoftua herët dje duke detyruar disa tragete të mëngjesit nga Napoli dhe Sorrento të kthehen në port.
Megjithatë, mbrëmjen e djeshme kryetari i bashkisë së ishullit, Paolo Falco, deklaroi se ndalimi u hoq pasi u zgjidh problemi teknik që pengonte ardhjen e ujit nga kontinenti.
Falco më parë e quajti ndalimin e turistëve “një përgjigje ndaj një emergjence”, duke thënë se rezervuarëve lokalë po mbaronin uji.“Situata emergjente do të përkeqësohej nga ardhja e mijëra turistëve që vijnë çdo ditë në Capri”, tha ai.
Popullsia vendase u lejua të mbledhë deri në 25 litra ujë të pijshëm për familje nga cisternat e ujit.
Capri, një ishull në Gjirin e Napolit, është i njohur për vilat e tij të bardha, bregdetin me liman dhe hotelet luksoze. Ajo ka rreth 13,000 banorë të përhershëm, por tërheq një numër të madh vizitorësh njëditorë gjatë verës.
