Komuna e Drenasit e ka nderuar me çmimin “Qytetar Nderi” presidentit e Shqipërisë, Bajram Begaj.
Në ceremoninë e dhënies së këtij titulli që u mbajt sot në Asamblenë Komunale të Drenasit, i pari i shtetit shqiptar e vlerësoi këtë moment si një prej më të veçantëve në jetën e tij.
“Nderimi i parë shkon për heronjtë dhe dëshmorët e luftës dhe heronjtë e paqes që gjenden në Hagë. Sot ndiej nder dhe privilegj të madh teksa qëndroj para jush dhe pranoj titullin qytetar nderi i Drenasit. Ky është një prej momenteve më të veçanta në jetën time. Drenasi është vend me histori të pasur dhe zemër të madhe, që ka luajtur rol të rëndësishëm në historinë e Kosovës. Kjo tokë ka parë sfida të mëdha dhe ka lindur heronj që kanë luftuar me guxim për lirinë, pavarësinë e Kosovës e gjithë shqiptarinë”, ka theksuar mes tjerash Begaj.
Presidenti i Shqipërisë, dje me një çmim të tillë u nderua edhe nga Komuna e Deçanit.
