Një djalë britanik, i cili vuan nga një formë e rëndë e epilepsisë, është bërë pacienti i parë që i është futur një pajisje në kafkë për të shtypur krizat.
Oran Knowlson (13) ka sindromën Lennox-Gastaut, një formë epilepsie rezistente ndaj trajtimit standard, dhe neurostimulatori që u implantua në mënyrë kirurgjikale reduktoi krizat e tij ditore me 80 për qind, raporton BBC.
Djali zhvilloi epilepsi kur ishte tre vjeç , dhe që atëherë u diagnostikua me autizëm dhe çrregullim hiperkinetik (ADHD).
Nëna e tij, Justine, tha se krizat e Oranit ishin shumë të shpeshta dhe ai shpesh kishte më shumë se njëqind episode në ditë, që përfshinin rënien në tokë, humbjen e aftësisë për të marrë frymë dhe ringjalljen.
“The neurostimulator, which sends electrical signals deep into his brain, has reduced Oran Knowlson’s daytime seizures by 80%. … Oran, from Somerset, has Lennox-Gastaut syndrome, a treatment-resistant form of epilepsy …” — Andy_Weeble_Weaver⚫️≠ (@AndrewW66619812) June 23, 2024 “> Oran është i përfshirë në projektin CADET, domethënë një seri provash që vlerësojnë sigurinë dhe efektivitetin e stimulimit të thellë të trurit për epilepsinë e rëndë. Ky projekt u zhvillua nga Great Ormond Street Hospital, University College London, King’s College Hospital dhe Universiteti i Oksfordit. Krizat e epilepsisë shkaktohen nga aktiviteti elektrik jonormal në tru dhe qëllimi i kësaj pajisjeje është të ndalojë ose ndërpresë sinjalet jonormale të trurit. Familja e djalit thotë se janë të vetëdijshëm se ky nuk është një kurë për epilepsinë, por shpresojnë se do të përmirësojë cilësinë e jetës së Oranit, shkruan BBC.
Operacioni, i cili zgjati rreth tetë orë, u krye në tetor 2023.
