Një ngjarje e rëndë ka ndodhur në parkun e Heronjve Kombëtarë në Doboj në orët e mbrëmjes kur karuseli është përmbysur.
Informacionet jozyrtare thonë se me atë rast janë lënduar edhe fëmijë, shkruan Dobojski.info .
Ngjarja ka ndodhur rreth orës 20, teksa prindër dhe fëmijë po kënaqeshin me aktivitete në park.
Ekipet e emergjencës kanë mbërritur me shpejtësi në vendngjarje dhe kanë ofruar ndihmën e parë për fëmijët e plagosur.
Për momentin nuk ka informacion më të detajuar për numrin e fëmijëve të lënduar dhe shkallën e lëndimeve të tyre.
Për këtë ngjarje pritet një deklaratë zyrtare nga policia, e cila do të japë më shumë informacion për shkaqet dhe pasojat e ngjarjes.
