Ndonëse konsiderohet një nga favoritët për ta fituar Evropianin ‘Gjermani 2024’, megjithatë, Franca fazën e grupeve e ka mbyllur në vendin e dytë.
‘Gjelat’ në Grupin D renditen pas Austrisë dhe para Holandës.
Mirëpo, trajneri i Francës, Didier Deschamps thotë se nuk është i zhgënjyer me paraqitjet e të besuarve të tij.
“Nuk jam aspak i zhgënjyer. Sigurisht që donim vendin e parë”, tha ai pas ndeshjes me Poloninë.
“Mund të keni dy raste dhe të shënoni dy. Mund të kesh shtatë si ne sot dhe të mos shënosh. Natyrisht ne mund të përmirësohemi, por do të isha më i shqetësuar nëse nuk do të kishte mundësi”, ka pohuar strategu francez.
