Kryetari i Komunës së Gjilanit, Alban Hyseni, ka pritur komandantin e KFOR-it, gjeneralmajor Özkan Ulutaş.
Sipas njoftimit të kësaj komune, në takim u shkëmbyen mendime për trendet e fundit të sigurisë, për aktivitetet e KFOR-it dhe mbështetjen ndaj dialogut të lehtësuar nga BE-ja.
“Bashkëbiseduam për tema e çështje të ndryshme, nga siguria në vendin tonë e deri te përvojat e ndryshme të gjeneralit Ulutaș”, tha Hyseni.
Kryetari i Gjilanit tha se bashkëpunimi me KFOR-in vazhdon të jetë esencialisht i nevojshëm për sigurinë e regjionit dhe Ballkanit dhe garancë për siguri, paqe dhe jetë të qetë, për të gjithë pa dallim në Republikën e Kosovës.
“Nga ana tjetër komandanti i KFOR-it, gjeneralmajor Özkan Ulutaş theksoi angazhimin e qëndrueshëm të KFOR-it në mbështetje të stabilitetit rajonal”, thuhet në komunikatë.
