Kryeministri Albin Kurti ka uruar zgjedhjen e Mark Rutte në pozitën e Sekretarit të Përgjithshëm të NATO-së.
“Ne në Kosovë e festojmë këtë lajm dhe jemi të etur për të vazhduar marrëdhëniet e forta që gëzojmë me ju në këtë kapacitet të ri”, ka shkruar Kurti teksa ka uruar shefin e ri të NATO-së, Rutte.
Në anën tjetër edhe ministrja e Punëve të Jashtme dhe Diasporës, Donika Gërvalla, ka thënë se përvoja dhe njohuritë e tij do të forcojnë familjen euro-atlantike.
“Mezi presim të punojmë së bashku për avancimin e anëtarësimit të Kosovës dhe arritjen e paqes së qëndrueshme”, ka shkruar ajo.
