Pas gjashtë muajsh, deputetët e Listës Serbe i janë rikthyer seancave të Kuvendit të Kosovës.
Një pjesë e deputetëve të Listës Serbe morën pjesë në seancë vetëm kur u diskutua rreth Projektligjit për Agjencinë e Intelegjencës, Sigurisë dhe Mbrojtjes.
Të njëjtit lëshuan sallën kur deputeti i LDK-së, Driton Selmanaj i përmendi në fjalimin e tij.
Selmanaj tha se salla e improvizuar ku po mbahet seanca e sotme është përdorur vetëm në dy raste. Në seancën ku është përdorur gazi lotsjellës, si dhe për t’ia vazhduar mandatin deputetëve të Listës Serbe.
Pjesa tjetër e deputetëtve të Listës Serbe lëshuan sallën pas përfundimit të fjalimit të deputetit Selmanaj.
Së fundi deputetët serbë ishin paraqitur në seancën e mbajtur më 8 shkurt, pas një mungese gjithashtu gati gjashtë muajshe, për të mos i humbur mandatet.
