Kryeministri hungarez Viktor Orban dhe presidenti ukrainas Volodymyr Zelenskiy patën një bisedë të shkurtër në margjinat e samitit të Bashkimit Evropian në Bruksel.
Pamjet nga salla tregojnë Zelenskiy të ulur, ndërsa presidenti në largim i Këshillit Evropian Charles Michel qëndron pranë tij. Në atë moment Orban iu afrohet atyre dhe i jep dorën Zelenskit. Më pas, lideri ukrainas ngrihet në këmbë dhe shtrëngon dorën me kryeministrin hungarez.
Nuk dëgjohet se për çfarë po flisnin saktësisht dy liderët, por nga gjestet e tyre duket sikur janë përfshirë emocionalisht në bisedë. Gjatë bisedës, Zelenski i vuri dorën Orbanit në supe, ndërsa Orban tundi duart pothuajse gjatë gjithë bisedës.
Ukraina nënshkroi sot marrëveshje sigurie me Bashkimin Evropian, si dhe me Lituaninë dhe Estoninë. Meqë ra fjala, pas pak ditësh, nga 1 korriku, Hungaria do të fillojë presidencën gjashtëmujore të Këshillit të Bashkimit Evropian.
Që nga fillimi i pushtimit rus, Orban e ka pozicionuar veten si një nga aleatët e paktë evropianë të presidentit rus Vladimir Putin. Ai vazhdimisht kundërshtoi dërgimin e armëve në Kiev dhe kundërshtoi politikën e vendosjes së sanksioneve ndaj Rusisë.
#Orban approached #Zelenskyy in #Brussels for a brief talk This is the case where you hear no words but the gestures and mimics are enough to make the video exciting to watch. pic.twitter.com/mKhhCGAuL1 — UATV English (@UATV_en) June 27, 2024 “>
