Zyra e Bashkimit Evropian në Serbi ka reaguar pasi u ndalua mbajtja e festivalit ‘Mirdita, dobar dan’.
Në rrjetin social “X”, ata kanë theksuar se është zhgënjyese se si ky festival që mbahet që nga viti 2014, e që po ashtu është i financuar nga BE’ja, u ndalua sot.
Kjo iniciativë sipas tyre, është pjesë e rëndësishme e normalizimit mes dy vendeve.
“Zhgënjyese kur mësuam se festivali “Mirëdita, Dobar Dan” i financuar nga BE-ja, që zhvillohet që nga viti 2014, u ndalua sot. Kjo iniciativë e lavdërueshme e OSHC-ve ndërton ura ndërmjet popujve, një pjesë e rëndësishme e përpjekjeve të normalizimit Beograd-Prishtinë”, thuhet në reagimin Zyrës së BE-së në Beograd.
Lidhur me ndalimin e këtij festivali, kanë reaguar edhe shoqëria civile dhe partitë proevropiane, të cilët kërkojnë që festivali të mbahet. Ata kanë kritikuar institucionet shtetërore për shkeljet ligjore. /Kosovatimes/
Disappointing to hear that the EU-funded "Mirëdita, Dobar Dan" festival, taking place since 2014, was banned today. This commendable CSO initiative builds bridges between the peoples, an important part of the Belgrade-Pristina normalisation efforts.@EGiaufretEU
— EU u Srbiji (@eusrbija) June 27, 2024
