Një zyrtar amerikan, i cili është i vendosur në një bazë në Evropë, i tha CNN se ky nivel kërcënimi nuk ishte parë në “të paktën 10 vjet” dhe tha se zakonisht do të thotë se ushtria ka marrë një “kërcënim aktiv të besueshëm”.
Disa baza ushtarake amerikane në të gjithë Evropën kanë shpallur alarmin dhe janë në gatishmëri të lartë.Niveli i alarmit është ngritur në nivelin e dytë më të lartë për shkak të një sulmi terrorist që mund të synojë personelin dhe objektet ushtarake amerikane, shkruan CNN fjalët e dy zyrtarëve amerikanë.
Bazat, duke përfshirë Garnizonin e Ushtrisë Amerikane në Shtutgart, Gjermani, e cila është shtëpia e Komandës Evropiane të SHBA, ngritën nivelin e tyre të gatishmërisë në statusin e mbrojtjes së forcës “Charlie” të dielën, thanë zyrtarët.
Sipas ushtrisë amerikane, ky status “zbatohet kur ndodh një incident ose kur merret inteligjencë që tregon një formë të veprimit terrorist ose shënjestrim të personelit ose objekteve”.
Zëdhënësi i Komandës Evropiane të SHBA-së, Dan Day nuk pranoi të komentojë mbi nivelin e rritur të alarmit.
Një zyrtar amerikan, i cili është i vendosur në një bazë në Evropë, i tha CNN se ky nivel kërcënimi nuk ishte parë në “të paktën 10 vjet” dhe tha se zakonisht do të thotë se ushtria ka marrë një “kërcënim aktiv të besueshëm”.
Nuk është e qartë se cilat të dhëna të inteligjencës shkaktuan rritjen e sigurisë, por, shkruan CNN , zyrtarët evropianë kanë paralajmëruar prej ditësh për një kërcënim të mundshëm terrorist në kontinent, veçanërisht përpara Lojërave Olimpike në Paris në korrik dhe gjatë Kampionatit aktual Evropian në Gjermania.
