AS Roma raportohet se po ‘kërcënon’ planet e Como-s për mbrojtësin e liruar të Manchester Unitedit, Raphael Varane.
Francezi aktualisht ndodhet në Itali, pasi ka vizituar selinë stërvitore të Como-s, skuadër kjo që tashmë është pjesë e Serie A.
‘Sky Italia’ të hënën raporton se trajneri i Como-s, Cesc Fabregas, po përpiqet të nënshkruajë me fituesin e Kupës së Botës me Francën.
Por, siç raportohet, Varane ka kërkuar dhjetë ditë kohë për të vlerësuar ofertë së bashku me familjen e tij.
Ndërkohë, tashmë në garë për ish-futbollistin e Real Madridit është futur edhe Roma, një tjetër skuadër e madhe italiane.
Ndryshe, 31-vjeçari po monitorohet edhe nga një klub amerikan si dhe një klub nga Arabia Saudite.
