Shërbimi Federal i Taksave Ruse ka ngrirë llogaritë bankare të ish-kampionit të peshave të lehta të UFC, Khabib Nurmagomedov, pasi ylli i MMA-së u kishte borxh autoriteteve të vendit.
Shuma e borxhit tejkalon 79 milion rubla (1 milion dollarë) që nga 1 korriku, njoftuan mediat ruse, duke cituar bazën e të dhënave të Shërbimit Federal të Taksave.
Ndërkohë, gazeta lokale e lajmeve Mash pretendoi më parë se borxhi i Nurmagomedov arriti në 297 milionë rubla (3.4 milionë dollarë). Përpara se ylli i MMA i lindur në Dagestan të tërhiqej nga sporti katër vjet më parë, ai grumbulloi një rekord prej 29-0 në një karrierë të pamposhtur profesionale.
Që kur u tërhoq nga sporti, kampioni i UFC ka nisur sipërmarrje të shumta biznesi, duke përfshirë suplemente ushqimore, restorante dhe hotele. Media Mash pretendoi në maj se llogaritë bankare të promovimit të Eagle FC dhe fondit të bamirësisë së Nurmagomedov ishin bllokuar për shkak të një borxhi prej 3 milionë dollarësh.
Këto lëvizje thuhet se tërhoqën vëmendjen e organeve tatimore të vendit, të cilat nisën një hetim ndaj ish-kampionit të UFC-së dhe gjetën parregullsi në dokumente, duke çuar në mbylljen e disa kompanive që i përkisnin atij apo të afërmve të tij.
Kremlini ka ngrirë kështu llogaritë bankare të kampionit të UFC, Khabib Nurmagomedov. Ai u akuzua se i detyrohej tre milionë dollarë taksa.
