Policia e Kosovës ka njoftuar se ka arrestuar një burrë në Vushtrri, i dyshuar se ka dhunuar një të mitur.
Sipas policisë, ai është zënë duke e mbajtur me forcë të miturën. Rasti është cilësuar “dhunim”.
“Vushtrri 02.07.2024-10:00. Policia gjatë patrullimit ka takuar duke qëndruar në rrugë të dyshuarin mashkull kosovar i cili ishte duke mbajtur me forcë viktimën femër kosovare të mitur. Të njëjtit janë shoqëruar në NJHP-Prishtinë dhe gjatë intervistimit kanë pranuar se me dëshirën e dy palëve kanë kryer marrëdhënie seksuale. Me vendim të prokurorit, i dyshuari është arrestuar dhe dërguar në mbajtje”, thuhet në njoftimin e policisë.
