Albert Zogaj është rizgjedhur kryesues i Këshillit Gjyqësor të Kosovës, në mbledhjen e 328-të të këtij institucioni.
“Anëtarët e KGjK-së kanë vlerësuar punën dhe përkushtimin e kryesuesit Zogaj në përmirësimin e sistemit gjyqësor në Kosovë gjatë mandatit të tij deri më sot, ku nën drejtimin e tij, KGjK dhe gjykatat kanë arritur progres në forcimin e transparencës, efikasitetit dhe llogaridhënies së sistemit gjyqësor”, thuhet në njoftim.
Në anën tjetër, Këshilli caktoi gjyqtaren Ilire Vitija, nënkryetare të Gjykatës Themelore në Prishtinë.Gjithashtu është miratuar vazhdimi i mandatit të kryetares së Komisionit për Çështje Normative, Drita Rexhaj, deri në përfundim të mandatit si anëtare e Këshillit.
Anëtarët e KGjK-së, në bazë të raportit të Panelit për Shqyrtimin e Aplikacioneve dhe Intervistim, aprovuan avancimin e gjyqtarëve: Valbona Selimaj, Violeta Husaj-Rugova, Bujar Dobërdolani, Mirlinda Bytyqi-Rexhepi, Mevlide Kosumi-Qarri dhe Kymete Kicaj, në pozitën gjyqtar në Gjykatën e Apelit të Kosovës.
